Suspek sa pag-abduct sa 18-anyos nga lalaki sa Arevalo, Nadakpan!

Iloilo City–Nadakpan ang lalaki nga gintudlo nag-abduct sang 18-anyos nga lalaki sa Arevalo kaina sang kaagahon.

Gindakup si Joeniry Anona, 25-anyos sang Ungka, Jaro, sa follow-up operation matapos nakapanugid sa mga pulis kag barangay tanod ang 13-anyos nga kaupod sang biktima. Ginsaysay ni alyas Ram-Ram nga nagalakat sila ni alyas Biboy sa atubang sang eskwelahan sa Villa sang ginpalapitan sang suspetsado kag ginhambalan nga indi magpalag agud wala sang matabu sa ila.

Nakadalagan si Ram-Ram pero nadala si Biboy. Suno kay Biboy, gindala siya sa RBR Lodging House sa Sto. Niño Norte, Arevalo kag ginpahayag nga ginhold-up pa.

Bangud sa madasig nga pagresponder sang mga pulis, nadakpan si Anona nga preso na sa karsel sang Arevalo Police Station. (AGB)