6 Ka Banwa Sa Probinsya, Posible Madeklarar Na Nga Drug-Cleared Suno Sa IPPO

Province of Iloilo – Mahimo nga madeklarar ang anum ka mga banwa nga drug cleared sa masunod nga semana. Nalakipan ini sang Maasin ,Alimodian,Mina, Tubungan, San Rafael kag Dueñas.

Suno kay IPPO Public Information Officer Chief Inspector Aaron Palomo, ang pagdeklarar nga drug cleared ang nasambit nga kabanwahanan ang magabase sa resolution sang Barangay Anti Drug Abuse Council ukon BADAC.

Isumiter naman ang BADAC report sa Municipal Anti Drug Abuse Council ukon MADAC kag ipasa sa sanguniang bayan agod mapasaran sang resolution nga naga adapt sang report.

Ang resolution sang sanguniang bayan isumiter sa Provincial Peace and Order Council. Iga validate naman suno kay Palomo sang PDEA , DILG , DOH, DSWD, BFP kag LGU’s kon matuod nga wala na sang drug laboratory,drug den ,marijuana plantation kag supply sang illegal drugs sa nasambit nga kabanwahanan .

Samtang ginpabutyag ni Palomo nga na deklarar na nga drug cleared ang tubungan kag revalidation na lang sang MADAC kag BADAC ang kinahanglan. Ang timeline sa pag deklarar nga drug cleared ang nasambit nga kabanwahanan maga sugod sa desyembre 5 tubtub 7.

(Aljohn Torreta)