Iloilo City–Nagsubli lang si Local Economic Enterprise Office (LEEO) Head Ariel Castañeda sang problema sang mga merkado sa syudad.

Reaction ini ni Castañeda sa rekomendasyon ni Vice Mayor Jose Espinosa III nga pa-arkilahan na lang ang mga merkado bangud dyutay ang income. Sang nagpangalangad si Castañeda sa LEEO, gin-ako hiya nga madamo sang problema sa mga merkado kag wala pa ang iban nasolusyunan.

Ginpahayag sini nga may mga vendors nga wala nagabayad sang arkila, may mga corrupt nga market-in-charge kag may kurakot man nga collectors. Nadugangan pa gid ang problema suno kay Castañeda bangud may nagapangawat sang elektrisidad sa mga merkado.

May isa ka merkado suno kay Castañeda nga masobra 23 milyones pesos ang sulukton sa mga vendors.

Pabor

Pabor naman si Castañeda sa suhestyun ni Vice Mayor Espinosa nga ihatag sa investor ang pagdumala sa mga merkado kon indi mapa-ayo sang syudad.

Dugang niya, mapa-ayo pa ang income sang mga merkado kon may maathag nga business plan kag matinluan batuk sa mga kurakot nga personnel ang LEEO. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply