Iloilo City – Gina-abi abi sang Land Transportation Franchising and Regulatory Board ukon LTFRB 6 ang hinyo sang transport group nga pasakaan ang plete sa Public Utility Jeepneys.

Ginpanugyan ni LTFRB 6 OIC Director Maria Josset Abellar ang transport group nga mag file sang petition sa ila talatapan agod ila i-forward sa LTFRB Central Office.

Kinahanglan gid ang approval sang Central Office suno kay Abellar antes mag desisyon ang LTFRB 6.

Na-estoryahan man sa conferensya sang LTFRB6 nga naga plano ang transport group nga ibalik sa 7 pesos kag 50 sentimos ang minimum fare sa first 5 kilometers.

Nahangpan man ni Abellar ang sitwasyon sang mga driver bangud sang sunod sunod nga pag saka sa presyo sang gatong.

Magluwas sa transport group pwede man maka petition ang mga commuters suno kay Abellar.

(Aljohn Torreta)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply