Pavia, Iloilo–Patay ang 18-anyos nga driver sang motorsiklo nga nalapakan sang truck sa Barangay Mali-ao kahapon.

Gindala pa sa ospital si Stephen George Acurio sang Barangay Pandac, Pavia pero napatay. Padayon naman nga ginabulong sa ospital ang tiyo ni Acurio nga si Ismael Acurio nga angkas sang motorsiklo sang biktima.

Suno sa tiyo, na-alang-alang ang ila motorsiklo sang nag-overtake sila sa truck. Ginpahayag sang tiyo nga wala nakita sang iya hinablos ang guab sa center lane sang ginakay-o nga karsada sang nagbalik sila sa ila lane. Natumba ang motorsiklo sang naglatay sa guab kag nalasakan gid si Acurio.

Nagtabog naman si Ismael gani nga menor lang ang iya kapilasan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply