Iloilo City–Bali ang wala nga kamot sang 20-anyos nga babaye nga ginpahayag ginpulihan kastigo sang mag-amay sa So-oc, Arevalo.

Gindala sa Western Visayas Medical Center si Vona Bautista, residente sang Sooc, Arevalo, nga may mga lagub man sa lawas. Suno kay Bautista, natripingan ni Nelson Molines Jr kaupod ang 17-anyos nga lalaki ang iya nga bisita nga nagtambong sa iya nga birthday party.

Ginpahayag ni Bautista nga ginpatahaw niya lang ang komprontahanay apang ginsita siya sang utod nga babaye ni Molines gani nga naguramusay sila. Dugang niya, ginlampusan man siya ni Molines sang barateha kag ginbutong pa sang amay sini ang iya buhok kag ginsumbag siya sa ulo.

Nagkuha pa suno sa iya sang pusil, nagpanaya kag nagpalupok ang mag-amay nga Molines apang maayo lang kay wala sang unod nga bala.

Pursigido si Bautista nga magpasaka sang kaso batuk sa mag-amay nga Molines. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply