Iloilo City–Walo ka libo ka trabaho ang nagahulat para sa mga interesado mag-apply sa hiwaton nga Job Fair sang Department of Labor and Employment ukon DOLE 6 sa Disyembre 6.

Ginpahayag ni Amy Judicpa sang DOLE 6 nga ini kabahin sang selebrasyon sang 83rd founding anniversary sang ahensiya. Ang Job Fair hiwaton sa Robinsons Mall halin las-9 sa aga tubtob las-5 sa hapon.

Nagapadayon subong ang pre-registration sang ahensiya para sa mga interesado mag-apply. Tubtob kahapon, 45 na ka mga kompaniya—local kag overseas– ang nag-signify nga mapasakop sa Job Fair.

Gin-athag ni Judicpa nga gina-engganyo gid nila ang mga employers nga maghatag sang security of tenure sa ila mga empleyado. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply