Iloilo City–Nalukpan na sang pusil, ginpreso pa ang lalaki matapos wala sang ginpakita nga mga papeles nga legal ang pagdala niya sang pusil.

Naga-inom sa Room 5, Club 21 Resto Bar si Oliver Cubar, 33-anyos sang Bolilao, Mandurriao sang aksidente nga naglupok ang ginhimil sini nga 45-kalibre nga pistola. Nakibyasan sa tuo nga tiil si Cubar.

Matapos ginbulong sang taga-ICER ang iya tiil, ginlupot man ini sa selda sang Mandurriao Police Station.

Gin-ako naman sang guwardiya sang establishmento nga wala nila nausisa si Cubar sang nagsulod. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply