Leganes, Iloilo–Padayon ang imbestigasyon sang Leganes police sa ginpahayag paghold-up sa tinawo sang M. Lhuiller kahapon.

Suno kay PSI Ma. Riza Nofuente, hepe sang Leganes Police Station, ginahulat na lang nila ang kopya sang CCTV footage nga kuha sang establishimento agud makilala ang suspetsado. Dugang niya,  isahanun nga nagaduty ang cashier nga si Ruby Erecillo, 24-anyos sang Pototan, sang nagdeklarar sang hold-up ang wala makilal-an nga lalaki nga may suksok sang itom nga long sleeves, maong pants, kalo kag face mask.

Naglab-ut sa P119,000 ang napalagyo sang suspetsado suno kay Nofuente. Indi naman madumduman ni Erecillo ang itsura sang suspetsado kag kun ano nga pusil ang ginpahayag nga gintaya sa iya.

Wala sang gwardiya sa nasambit nga establishimento suno kay Nofuente bangud posible nagasalig man ang tagdumalahan sa ila CCTV cameras kag alarm systems. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply