Iloilo City–Nadakpan ang ginatudlo bag-o nga grupo sang mga manugtonto nga naga-operate sa syudad.

Ginbansagan ni PCI Aldren Lamera, hepe sang Police Station 1, ang grupo nga ‘Talyar Tutok Gang’ nga modus ang pagbaligya sang silver jewelries sa ila biktima kag kun indi magbakal, tutukan sang kutsilyo ukon pusil kag kuhaon ang kuwarta. Sang nagligad nga semana suno kay Lamera, nagsugod sa pag-operate ang grupo bangud sang reklamo sang ila biktima.

Ginmandu ni Lamera nga magpakuno-kuno nga buyer ang isa sa mga police personnel sang Police Station 1 agud madakpan ang mga suspetsado. Apat ka mga miembro sang grupo ang nadakpan kahapon nga ginkilala kanday John Paul Balmatero; Keith Oliver Estoque sang Rizal Pala-Pala 2, City Proper; Jude kag John Balmatero sang Boulevard, Molo.

Nagpa-andam si Lamera sa publiko nga maghalong sa amo nga grupo kag kun mabiktima, gilayon nga magreport sa malapit nga police station. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply