Bidding para sa Intelligent Transport System sa syudad, gintalana sa Enero

Iloilo City–Natalana sa una nga semana sang Enero sa masunod nga tuig ang bidding para sa P25 million nga intelligent transportation system (ITS) sang syudad.

Ginkumpirmar ini ni Transportation Management and Traffic Regulation Office (TMTRO) Head Robert ‘Bob’ Foerster kasunod sang pahayag ni Mayor Jed Patrick Mabilog nga may pondo na para sa implementasyon sang ITS. Suno kay Foerster, may high tech devices ang ITS nga makabulig sa pagsolbar sang problema sa trapiko.

Ang ibutang nga mga cameras, maka-detect kun overspeeding ang mga salakyan. Gin-athag ni Foerster nga indi pagdula-on ang mga traffic lights kag mga traffic auxiliaries kun ipatuman na ang ITS.

Una nga butangan sang mga speed cameras suno kay Foerster sa Infante Flyover tubtob sa Sambag, Jaro. (AGB)