Nagpakilala nga pari nga ginpapreso sang babaye nga pulis, wala sang pangalan sa Catholic Director of the Philippines–Jaro Archdiocese

Iloilo City–Wala sang pangalan nga Rev. Father Eljune Lumbo sa Catholic Directory of the Philippines.

Pahayag ini ni Monsignor Joemarie Delgado sang Jaro Archdiocese sang iya gin-check sa website ang pangalan ni Lumbo nga nagpakilala nga pari. Suno kay Delgado, wala man ang pangalan ni Lumbo sa listahan sang mga pari Jaro Archdiocese.

Indi naman makasabat si Delgado kun yara ang pangalan ni  Lumbo sa parokya sang Davao ukon sa iban nga sekta.

Sa pagpati ni Monsignor Delgado, nagapakuno-kuno lang nga pari si Lumbo bangud ang matuod nga pari, nagapakita kag nagapahibalo sa archdiocese kun mag-abot sa isa ka lugar.

Si Lumbo ang ginreklamo ni PO2 Neneng nga assign sa Lapaz Police Station nga nagsakit kag nagpangilkil sa iya. Suno sa pulis, gingamit ni Lumbo ang iya motorsiklo kag ginpilit man nga kuhaon ang iya nga cellphone. (AGB)