40-anyos nga Tricyle Driver, Ginreklamo nga Nang-rape sang Grade 1 Pupil sa Zarraga

Zarraga, Iloilo — Ginreklamo ang 40-anyos nga tricycle driver sa zarraga nga ginpahayag naghimulos sa 7 ka tuig nga bata nga babaye.

Natabu ang insidente sang Sabado sang aga samtang nagahampang sa barangay chapel si alyas JingJing kag ginhagad sang suspek nga si alyas Bonbon nga magbakal sang tinapay.

Suno kay JingJing, sa baylo nga sa tyangge siya dal-on ni Bonbon, gindiretso siya sang suspek sa CR sang kasilingan sini kag ginpahayag ginhimuslan.

Antes nagpalagyo, ginhambalan pa sang suspek ang bata nga indi ini magpanugid sa iya lola.

Ginpa-blotter sa police station ang natabu kag ginpaidalum na sa medical examination ang bata.

Suno naman sa tiya ni JingJing nga si alyas Ann, natabuan nga nagkumpanyar sila sang natabu ang ginpahayag paghimulos sang suspek sa iya hinablos.

Domingo na sang aga sang nahibaluan nila ang insidente.

Ginpahayag ni Ann nga ginpanghiwala pa sang suspek ang iya ginhimo sang ginkomprontar ini sang iya asawa apang sa ulihi, nagpangayo ini sang pasaylo sa lola sang bata. (JoMaque)