Iloilo City–Magahiwat sang 1st visayas lakbayan ang mga cause-oriented groups sa syudad padulong sa manila agud ipalab-ot ang nagkalain-lain nila nga sentimiento kay Presidente Rodrigo Duterte.

Magapadulong subong nga adlaw sa Manila ang grupo kag magatiner sa Polytechnic University of the Philippines ukon PUP. Magatipon sila sa Disyembre 10 kag magahiwat man sang dayalogo sa pila ka ahensya sang gobyerno pareho sang Department of Labor and Employment ukon DOLE, Department of Social Welfare and Development ukon DSWD, Department of Agrarian Reform (DAR) kag Department of Environment and Natural Resources ukon DENR.

Suno  kay Roxanne Arsaga sang Gabriela Panay, pila sa mga isyu nga ipalab-ot nila ang padayon nga contractualization sa mga trabahador, shelter assistance para sa mga biktima sang supertyphoon Yolanda, pagpang-abuso sa mga kababaihan kag iban pa.

Ang aktibidad sang grupo kabahin sang International Human Rights Day sa Disyembre 10. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply