Iloilo City–Gindala sa ospital ang halos 30 ka mga tutors matapos ginpahayag nga na-suffocate sang carbon dioxide sa ginaubrahan nga tutorial center sa Brgy. Tabuc Suba, Jaro.

Suno kay alyas Theresa, isa sa mga naapektuhan, gindala sa Iloilo Doctors Hospital ang 17 ka mga tutors sang I-Learning Tutorial Center matapos nabudlayan nga maginhawa. Dugang niya, siyam ka tutors ang gindala naman sa St. Paul’s Hospital bangud sang kasubong nga reklamo.

Masami nga brownout sa ila gina-obrahan suno kay Theresa kasunod sang sunog sang Sabado sang kaagahon gani nga nagagamit sila sang generator.

Carbon dioxide suffocation ang diagnosis sang doktor sa mga gindala sa ospital suno kay Theresa. Nakaguwa na sa ospital ang mga na-apektuhan suno kay Theresa magluwas sa isa ka tutor nga ginpa-idalum sa dugang nga mga laboratory examinations.

Nagahingyo si alyas Theresa sa tagdumalahan sang ila gina-obrahan nga siguraduhon nga wala na sang fumes sa area agud malikawan nga masulit ang natabu. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply