Iloilo City — Ginpasakaan na sang kaso sang Philippine Drug Enforcement Agency (PDEA 6) si Atty. Marbhen Lombo, ang abogado ni Melvin Odicta Jr. matapos gin-raid ang balay sang ma Odicta sa Malipayon City Proper sang nagligad nga semana.

Suno kay PDEA Asst. Regional Director Levi Ortiz, kaso nga Obstruction of Justice kag Drug protection base sa Section 6 sang RA 9165 ukon Comprehensive Dangerous Drugs Act of 2002 ang gin-file nga kaso batuk kay Lombo.

Makabig suno kay Ortiz nga protector si Atty. Lombo bangud sang sobra sini nga aktuwasyon sang gin-search ang balay sang mga Odicta.

Indi na insakto suno sa iya ang reaksyon ni Lombo bangud indi sini pag-ipadala kag pa-posasan ang mga naaresto sa raid kag indi man sini pag-ipadala ang iban nga mga ebidensya.

Suno pa kay Ortiz, dapat mag-akto lang nga abogado sang iya kliyente si Lombo kag indi prosecutor ukon judge.

Ginpanindugan ni Ortiz nga lehitimo ang ginhimo nga anti-drug operations sang PDEA operatives bangud may ginpakita nga search warrant. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply