Iloilo City — Arestado ang ex-army kag former Sangguniang Bayan member matapos gin-serbihan sang search warrant kaina sang aga.

Upod sang PDEA operatives ang Badiangan police kag mga miembro sang Regional Public Safety Battalion sa pag-search sa balay ni Jenie Sabano sang Sitio Bungay, Barangay Poblacion Badiangan.

Narecover ang 10 ka sachets sang suspected shabu, 1 ka long barrel shotgun, 1 ka 9mm pistol, 1 ka homemade shotgun, 1 ka 38 revolver nga may serial number 1103871, isa ka granada kag mga bala sang M203.

Suno kay PDEA Asst. Regional Director Levi Ortiz, leader sang Sabano armed group sa Badiangan ang former SB member.

Magluwas sa pagbaligya sang illegal drugs, nagabaligya man suno sa iya sang armas si Sabano kag ginpahayag nagatrabaho bilang hitman kag contacts sang mga politiko.

Gina-verify pa sang PDEA kun diin nagakuha sang supply sang illegal drugs si Sabano.

Ginpanginwala naman ni Sabano nga siya ang nagapanag-iya sang suspected shabu. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply