Iloilo City–Pilason ang chief tanod sa Barangay Tanza Esperanza, City Proper kag ang trisikad driver sang gintiro sang riding-in-tandem kagab-i.

May pilas sa wala nga kamot kag tuhod si Chief Tanod Rolando Calajatan, 56-anyos. Nasalabat kag napilasan sa tuhod ang trisikad driver nga si Raul Celebrado, 46-anyos. Gindala ang mga biktima sa Iloilo Doctor’s Hospital.

Ginpahayag nga ginlabayan lang ang mga biktima sang mga suspetsado kag gintiro.

Lima ka empty shells sang 9mm pistol ang nakita sa crime scene. Gina-imbestigaran pa sang mga pulis ang motibo sa insidente. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply