Iloilo City–Istrikto nga ginapatuman sang Land Transportation Franchising and Regulatory Board ukon LTFRB 6 ang ‘No Gift Policy’ sa mga empleyado sang ahensya ilabe na subong nga holiday season.

Base ini suno kay Atty. Joemarie Lamparero, legal officer sang LTFRB 6, sa Memorandum Order No. 2016-002 na ginpadala sang central office bilang kabahin sang polisa sa Anti-Graft and Corrupt Practices Act. Nagamandu ini sa mga empleyado sang ahensya nga untatan ang pagbaton sang anuman nga regalo kabaylo sang pabor.

Nahangpan naman ni Lamparero nga duna sa mga Filipinos ang maghatag sang anuman nga butang bilang pasalamat. Pero ginpangabay sini sa mga nagatransaksyon sa LTFRB 6 nga indi na maghatag sang regalo bangud ginatinguhaan man sang mga empleyado sang ahensya nga mapadasig ang proseso sang ila papeles.

Magluwas sa regalo, indi man puwede makabaton sang Christmas card ang mga taga-LTFRB bangud posible ini nga mabutangan sang kuwarta. Greetings lang suno kay Lamparero ang ginapahanugutan sang ahensya. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply