Iloilo City–Estable na ang kondisyon sang 14-anyos nga lalaki nga natiruhan sa Barangay Punong, Lapuz kagab-i.

Suno kay PO3 Venus Cabawa sang Lapaz Police Station, may pilas sa likod si alyas Michael. Ginpahayag nga bala sang 12-gauge shotgun ang nakaigo sa teenager.

Padayon nga ginabulong si Michael sa osppital. Gina-establisar pa sang Lapaz police kon aksidente ukon hungod ang natabu matapos gin-ako sang biktima nga ang tiyo niya ang nakatiro sa iya.

Wala na nakita ang tiyo sang nagbalik ang mga pulis sa lugar sang biktima. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply