Nakit-an ang bangkay sang 20-anyos mga babaye nga ginreport sang iya pamilya nga nadula sa Estancia malapit isa ka bulan na ang nakaligad.

Nasapwan ang bangkay ni Angelica Genzon sang Barangay Bolo, Carles sa tunga sang kampo sang katubuhan sa Barangay Balogo, Pilar, Capiz kahapon. Nakilala ang bangkay base sa kagamitan kag mga bayo nga nakita malapit sa bangkay.

Suno sa iloy ni Angelica nga si Delia, Nobyembre 18 sang gab-i sang katapusan nga nakita nga buhi ang iya bata. Pauli na suno sa iya sa ila barangay si Angelica halin sa iya gina-obrahan nga bakeshop sa Estancia.

Ginpahayag naman ni PSI Pedro Diocson, hepe sang Pilar Municipal Police Station, nga nagbulag na ang mga parte sang lawas. Gina-imbestigaran na sang mga otoridad ang gintudlo sang pamilya nga suspek sa pagpatay sa ila himata.

Si Angelica ang single mom kag may isa ka tuig nga bata. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply