20 Anyos Nga Single Mother Nga Nasapwan Sa Tunga Sang Katubohan Sa Pilar, Capiz, Ginaimbestigaran Na Sang Pulis

Province of Capiz – May gina-imbestigaran na ang Pilar Police sa Capiz nga suspek sa pagpatay sa 20 anyos nga single mother nga nasapwan sa tunga sang katubuhan sa Purok 3, Barangay Balogo kahapon sang aga.

Suno kay Senior Inspector Pedro Diocson, hepe sang Pilar Police Station, may nahatag nga impormasyon ang pamilya ni Angelica Genzon sang Bolo, Carles may kaangtanan sa ila ginadudahan nga naghimo sang krimen.

Nakilala suno kay Diocson ang bangkay paagi sa panapton kag kagamitan nga nakita.

Una na nga ginsaysay sang iloy sang biktima nga si Delia nga nobyembre 18 pa katapusan nga nakita nga buhi ang iya bata samtang nagapauli sa ila halin sa iya gina-obrahan nga bakeshop sa Estancia.Ginpahayag naman sang utod ni Angelica nga si Rhea nga may nakasugid sa ila nga ginasugat ang iya manghod sang iya karelasyon.

(Aljohn Torreta)