Magasulong sa mga barangay ang mga pulis sang Police Regional Office 6 bitbit ang pamaskuwa kag gitara.

Suno kay PSUPT Gilbert Gorero, spokesperson sang PRO-6, magakadto sa kabarangayan ang mga pulis indi para mag-tokhang sang mga durugista ukon mag-conduct sang raid kundi para mag-daigon sa mga pigado nga pamilya. Ang programa nga “Pabatyag sa Paskuwa” sang PRO-6 suno kay Gorero, inisyatibo ni PNP 6 Director PCSUPT Jose Gentiles.

Ang mga pulis, nakasuksok sang uniporme kag santa hat samtang naga-carolling kag may idaho man nga pamaskuwa sa mga pinili nga pamilya. Bisan pa limitado ang ipanagtag nga pamaskuwa, ginpahayag ni Gorero nga ini ila lang pagpabatyag sang paskuwa sa mga pigado.

Pamaagi man ini suno sa iya sang pagpasalamat sang PRO-6 sa mga pumuluyo nga may daku gid nga bulig sa kampanya kontra kriminalidad kag illegalidad. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply