3 patay sa magkatuhay nga aksidente sang motorsiklo sa syudad

Iloilo City–Tatlo ang patay sa magkatuhay nga aksidente sang motorsiklo kagab-i. Sa Bito-on, Jaro napatay sanday Charles Vincent Hernia, 15-anyos nga may pilas sa ulo, kag Gerald Evaresto, 17-anyos nga may pilas man sa ulo.

Padayon naman nga ginabulong sa WVSU Medical Center ang driver sang motorsiklo nga si Kerby Abuan, 19-anyos. Suno sa abyan sang mga biktima, halin sila sa namatyan kag pauli na sang natabu ang aksidente.

Suno naman sa driver sang 10-wheeler wing van nga nakabunggo sa motorsiklo, gulpi nag-cross sa iya alagyan ang mga biktima. Halin sa bodega sang 2go forwarder sa Lapuz si Rolando Enoy, 34-anyos sang Cebu, kag pabalik na sa RORO Port sa Dumangas sang natabu ang aksidente. Detained si enoy sa karsel sang Jaro Police Station.

Sa Taft North, Mandurriao naman, napatay si Ronel Longno, 40-anyos sang Tabuc Suba, Jaro.

Ginkilala naman ang isa pa ka ka biktima kay Maria Patoy, 71-anyos sang Housing, Mandurriao nga angkas ni Dave Guevarra. Una na ginsaysay sang kaupod sa trabaho ni Guevarra nga padulong sila sa fishing port agud magbakal sang isda nga lutuon para sa ila Christmas Party subong nga adlaw sang natabu ang aksidente. (AGB)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %