32-anyos nga Pinay, nanginwala nga ginasakit niya ang iya 59-anyos nga live-in partner nga British National

Barotac Viejo, Iloilo — Nanginwala ang 32 anyos nga pinay nga ginasakit ang iya 59-anyos nga live-in partner nga british national sa Barotac Viejo.

Suno kay alyas Jane, naka-usdang lang ang iya bana sang nahubog gani nga nabudlayan maglakat.

Wala sang kamatuoran suno sa iya ang report nga nagpangayo sang bulig ang Briton bangud nga iya ginasakit.

Ang matuod suno kay jane, siya pa ang ginabuyayaw sang iya live-in partner kon mahubog.

Ginkadtuan gid ni Senior Inspector Elmer Magbanua, hepe sang Barotac Viejo Police Station, ang barangay nanday alyas Jane agud mabal-an ang matuod nga natabu.

Na-istorya man ni Magbanua ang Briton nga nanginwala nga luyag na sini magpauli. (JoMaque)