Iloilo City — Patay ang Indian national nga babaye sang gintiro sa Brgy. Our Lady of Fatima Jaro subong nga hapon.

Ginkilala ang biktima kay Chahal Rupinder Kaur, 34-anyos, sang LJ Ledesma St. Pag-ibig Village, Jaro.

May apat ka pilas sa dughan ang biktima nga gindeklarar nga napatay sa West Visayas State University Medical Center.

Suno sa report, nagapanukot ang biktima sang ginsundan sang isa sa duha ka mga suspects nga nakasakay sa motorsiklo kag gintiro.

Naglakat lang padulong sa nagahulat nga motorsiklo ang triggerman pagkatapos sang insidente.

Padayon nga ginahibalo ang identity sang mga suspetsado kag ang motibo sa krimen.

Gilayon naman nga nagpadulong sa ospital ang mga himata kag abyan ni Kaur sang nahibaluan ang natabu. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply