Iloilo City–Wala sang may narecord nga insidente ang Iloilo City Police Office sa pagsugod sang Simbang Gabi tubtub kaina sang kaagahon.

Suno kay PSUPT Efren Lozada, Deputy City Director for Administration sang ICPO, antes pa nagsugod ang Simbang Gabi, may direktiba na si ICPO Director PSSUPT Remus Zacharias Canieso nga kinahanglan may presensya sang pulis sa mga simbahan kag plaza.

Magluwas sini, may motorized reaction team man ang ICPO nga nagalibot sa mga karsada sa tion nga magpauli ang mga sumilimba. Todo bantay man ang mga intelligence operatives sa mga nagapamintaha sa kasakuon sang mga bumalakal sa syudad pareho sang mga kawatan.

Naga-operate man ang operating units sang ICPO sa tanan nga puerto agud mapunggan ang pagsulod sang mga kontrabando sa syudad pareho sang illegal drugs. Kasunod ini sang natabu sa Dumangas Port sa diin naaresto ang duha ka mga lalaki nga nakuhaan sang 11 ka kilos sang suspected marijuana. (With report from The Daily Guardian On-air/AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply