(UPDATE) Kaso batuk sa 15-anyos nga lalaki nga gintudlo nagbuno patay sa social worker sa Molo, ginapreparar na

Iloilo City–Ginapreparar na ang kaso nga robbery with homicide batok sa 15-anyos nga lalaki nga una na nag-ako nagbuno patay sa social worker sa San Pedro, Molo.

Kaso nga robbery with homicide ang ipasaka batok sa suspetsado matapos narecover sa iya balay sa Project 3 Sooc, Arevalo ang kagamitan nga nadula sa boarding house ni Ernesto Bacia, empleyado sang DSWD 6. Ginkumpirmar ni PCI Marlon Valencia, hepe sang Molo Police Station, nga may kaso nga pagpangawat ang suspetsado kag si Bacia ang in-charged sa pagmonitor sa bata.

Suno kay Valencia, gin-ako ni alyas Red nga siya ang nagbuno kay Bacia bangud gintuyo siya nga himuslan. (AGB)