131 ka mga Firecracker retailers kag dealers sa Rehiyon 6, nakakuha sang Lifting Order para sa Work Stoppage halin sa DOLE

Iloilo City — 131 ka mga firecracker retailers kag dealers sa Rehiyon 6 ang may yara sang lifting order para sa work stoppage halin sa Department of Labor and Employment ukon DOLE tubtub Disyembre 27.

Ini ang rason suno kay DOLE 6 Asst. Regional Director Salome Siation nga madamu na sang mga nagabaligya sang firecrackers kag pyrotechnics ang nagaplastar sa mga designated firecracker zone sa syudad.

May ikaduha pa nga batch sang mga retailers kag dealers suno sa iya ang natalana nga hatagan sang lifting order.

Suno kay Siaton, base sa mandu sang ahensya, na-comply sang 131 ka mga retailers kag dealers ang mga dokumento halin sa Bureau of Fire Protection, PNP, local government unit kag 1-day seminar halin sa DOLE gani narekomendar nga ma-isyuhan sang lifting order. (JoMaque)