Mga barangay officials kag tanod sa probinsya, ginahingyo sang IPPO nga magbulig sa pagbantay sa kalinong kag katawhay sa pagsug-alaw sang bag-ong tuig

Iloilo–Ginhingyo sang Iloilo Police Provincial Office ang bulig sang mga barangay officials kag barangay tanod sa pagbantay halin Disyembre 31 tubtub Enero 1 sang kaagahon.

Suno kay IPPO Deputy Provincial Director for Administration PSUPT Elmer Armada, base man ini sa mandu ni PNP Chief Director General Ronald Dela Rosa nga dapat mangin malinong kag matawhay ang selebrasyon sang pagsug-alaw sang bag-ong tuig. Magabulig man ang mga barangay officials kag tanod sa pagpalapta sang impormasyon nga likawan ang pagpalupok sang pusil kag kun mahimo, bisan ang pagamit sang mga palupok.

Gin-alerto na suno kay Armada sang mga chiefs of police ang kabaranggayan agud malikawan ang indiscriminate firing sa probinsya.

New Year’s Countdown

Ginsiraduhan naman ang Muelle Loney Street–halin sa corner Ortiz Street tubtob sa corner Arroyo Street–sa City Proper para sa New Year’s Countdown sang City government.

Ginpahayag naman ni TMTRO Head Robert Foerster nga wala sang rerouting sa mga depasahero nga salakyan bangud wala man sang ruta nga ma-apektuhan sa pagsirado sang karsada.(AGB)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %