16 anyos nga Babaye, ginpahayag nga ginhimuslan sang 3 ka Lalaki sa sulod sang patyo sa San Enrique

San Enrique, Iloilo — Ginhimuslan sang tatlo ka lalaki ang 16 anyos nga babaye sa San Enrique.

Base sa imbestigasyon ni Chief Inspector Herman Celiz Jr, hepe sang San Enrique Police Station, natabu ang ginpahayag nga paghimulos kay alyas Nene sang Sulangan Dumangas, sa sulod sang patyo  sa Poblacion Ilawod, San Enrique.

Antes sini, nagbisita si Nene sa balay sang iya nobyo sa Barangay Garita, San Enrique.

Naghapit sa banwa si Nene sang ginpalapitan sang mga suspek nga sanday Jay-r Loking, 21 anyos kag mag-utod nga Jeffrey, 22, kag Mark Jason Pachaonsis, 19, lunsay mga residente sang Barangay Campo, San Enrique.

Ginpahayag nga nagpasugot si Nene sang ginhambalan sang mga suspek nga idul-ong nila sa Dumangas.

Pero ginlibot-libot pa siya antes gindala sa patyo kag ginpahayag nga ginbulus-bulusan himulos.

Suno pa ka Nene, ginsakit pa siya gani nga nalipong kag sang nakabugtaw, nagasampaw na sa iya si Loking.

Nakapalagyo si Nene kag nakapangayo sang bulig gani nadakpan si Loking samtang nakapalagyo ang mag-utod nga pachaonsis.

Ginahulat na lang sang San Enrique police ang resulta sang medical examination kay Nene agud mapasakaan sang kaso nga rape ang mga suspetsado. (JoMaque)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %