Police Regional Office 6, naghiwat sang table top exercises upod sa Task Group Boracay para sa ASEAN meeting

Iloilo City — Naghiwat sang table top exercises ang Police Regional Office 6 upod sa mga miembro sang Task Force Boracay.

Ginhiwat ang aktibidad sa City DepEd Jubilee Hall kaina sang aga.

Ginhatagan sang obligasyon sang local organizing committee ang Task Force Boracay kun sa diin sila ma-assign para sa Association of Southeast Asian Nation ukon ASEAN Meeting nga hiwaton sa syudad sang Iloilo.

Sugod subong nga adlaw, nagdeploy na sang 50% nga security personnel ang Philippine National Police kag Armed Forces of the Philippines agud magbantay sa mga billeting areas, venue sang meeting kag dalanon sa syudad. (JoMaque)