Complaint affidavits sang mga konsumedor batuk sa PECO, ipadala ni Councilor Joshua Alim sa ERC sa masunod nga semana

Iloilo City — Ipadala sa masunod nga semana  ni Councilor Joshua Alim sa Energy Regulatory Commission ukon ERC ang complaint affidavits sang pito ka konsumedor sang Panay Electric Company ukon PECO nga una nagkadto sa iya opisina.

May kaangtanan ini sa iregularidad sa billing, meter readings, services, arrogant employees kag iban pa nga imposed charges sang PECO.

Suno kay Alim, kalab-anan sa mga konsumedor nagareklamo angut sa erroneous billing, arogante nga mga personnel kag kapaslawan sa pag-deliver sang monthly bill sang personal sa residence sang mga konsumedor.

Ginhingyo pa sang konsehal ang mga nagareklamo nga mga konsumedor sang PECO nga magkadto sa iya opisina kag mag fill-up sang complaint affidavit. (JoMaque)