Iloilo City–Indi magnubo sa 400 pesos kada adlaw ang ginatunga nga sideline sang mga gwardya sa Iloilo Fastcraft Terminal sa Lapuz apang na-untat matapos nabukaran sang Aksyon Radyo Iloilo ang isyu sa pagpakupos sa goma sang mga salakyan nga ginapark sa terminal.

Suno kay alyas Panoy nga informant sang Aksyon Radyo, nabungat sang isa sa mga gwardya sa terminal nga namigado sila kasunod sang paglupok sang kontrobersiya. Nagmuno pa suno kay Panoy ang gwardya nga ginlaka lang kuntani ang pagpakupos sa goma.

Pila ka tag-iya sang mga salakyan ang nagpalab-ut sang reklamo sa Aksyon Radyo matapos nakupos ang goma kag ila gindudahan nga may paghimbon sa natabu. Ang reklamo, ginkompormihan ni Libertad, Lapuz Punong Barangay  Sumakwel Nava matapos sini ginkonfirmar nga naka-agi siya husay sa pag-inaway sang mga naga-obra sa terminal bangud sa tungaay sang ginakita.

Lima ka guwardya ang ginrelieve kag ginsaylo sa Loboc International Port kag Fort San Pedro samtang ginmandu na sang Philippine Ports Authority ang imbestigasyon. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply