Anilao, Iloilo — Gindala sa ospital si Federico Aquiño, 48-anyos sang Mostro, Anilao nga may pilas sa tuo nga parte sang lawas, tiyan kag wala nga tiil matapos gintiro sang iya bayaw. Gintudlo nga nagtiro sa biktima nga si Natchyz Apais, 62-anyos sang Palaypay, Anilao. Sa imbestigasyon sang Anilao police, nagasakay sa iya motorsiklo ang biktima kag pakadto sa Banate sang ginpadulugan sang suspek. Nagbaisay ang duha tubtob gintiro sang suspek ang biktima. Ginpahayag nga may daan na nga hiligut-anon ang duha. At-large ang suspek samtang ginabulong sa WVMC ang biktima. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply