Ginmandu sang ombudsman ang pagfile sang duha ka counts graft, isa ka count sang malversation kag isa ka count sang malversation through falsification of documents batuk kay former Iloilo 5th District Congressman Niel Tupas Jr may kaangtanan sa ginpahayag involvement niya sa pork barrel scam.

Suno kay Ombudsman Conchita Carpio-Morales, nag-alokar si Tupas sang lima ka milyon ka pesos sa iya priority development assistance fund sang 2008 para pondohan ang proyekto nga natukiban nga ghost projects.

Ginpa-athag naman ni Tupas nga siya ang nakatukib nga may nagagamit sang iya pangalan kag pirma agud magpaguwa sang pondo sang gobyerno. Ang matuod suno kay Tupas, nagpabalo siya sa Commission on Audit kag nag-request sang imbestigasyon. Suno pa sa anay kongresista, may nabalik pa sa kaban sang gobyerno.

Ginpabalo man ni Tupas ang Ombudsman gani nakibot siya sa latest report nga siya pa ang ginpasakaan sang kaso. Maga-file si Tupas sang motion for reconsideration sa desisyon sang Ombudsman. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply