Lalaki nga ginapatihan may nervous breakdown sa Pototan, gintiro patay

Pototan, Iloilo —  Gintiro patay ang 36 anyos nga lalaki nga ginpahayag may nervous breakdown sa Barangay Batuan, Pototan. Wala na natabangan sang nakalab-ot sa ospital si Joseph Piano Fernando sang nasambit nga barangay bangud sang pilas sa tiyan kag dughan. Nagsurrender naman sa Pototan police ang suspect nga si joseph Premaylon, 56 anyos sang nasambit man nga barangay kag lakip nga ginsurrender ang 45 caliber pistol nga gingamit sa pagtiro kay Fernando. Ginpahayag nga nagpangayo sang bulig ang utod ni Premaylon sang nagsulod sa ila balay si Fernando. Napilitan si premaylon nga tirohon si Fernando bangud may dala ini nga kutsilyo. (JoMaque)