Pavia, Iloilo — Patay sa sunog ang timbang sang balay sang pamilya Lebrilla sa Barangay Jibao-an, Pavia kaina sang kaagahon.  Suno kay Felix, Lebrilla, wala nakaguwa sa iya kwarto si alyas Abby Joy, 18-anyos kag ginpahayag taga-Calinog sang nasunog ang ila balay. Duha pa lang ka adlaw nga nagatrabaho si Abby Joy sa ila balay suno kay Lebrilla . Ginpahayag nga naupos gid ang lawas ni Abby Joy sang nakit-an sang mga bombero.  Nagapati si Lebrilla nga posible naghalin ang kalayu sa charger nga ginsaksak sang biktima.  Si Abby Joy suno kay Lebrilla ang morena, slim ang panglawasun kag malaba ang buhok nga subong wala pa sang identity kag apelyido. Ginabanta sa masobra duha ka milyon ka pesos ang halit sa sunog suno sa Bureau of Fire Protection. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply