Depasahero nga jeep, na-aksidente sa Dumangas

Dumangas, Iloilo–Nahulog sa kanal ang depasahero nga jeep sa Brgy. PD Monfort North, Dumangas pasado alas-10 kaina sang aga.

Suno kay PCINSP. Rene Obregon, hepe sang Dumangas Police Station, na-lock ang manibela sang salakyan gani nagpang-alang alang ang driver kag madanlog pa ang dalan bangud sang ulan. Madasig nga gindala sa Ramon Duremdes Memorial District Hospital ang 24 ka pasahero sang jeep.

Papuli na sa Barotac Nuevo ang mga pasahero sang jeep halin sa pagtambong sa lubong sa Dumangas sang na-aksidente. (AGB)