Balay sa Zarraga, nasunog; kahalitan, ginabanta 6 million pesos

Zarraga, Iloilo–Ginabanta anum ka milyon ka pesos ang kahalitan sa sunog sa Poblacion Ilaya kaina sang kaagahon.

Ginapanag-iyahan ni Naneth Villaruz ang bungalow. Suno kay SPO1 Jeffrey Sirwe sang Zarraga Police Station, base sa imbestigasyon sang Bureau of Fire Protection, naghalin sa playroom nga temporaryo gintulugan sang boarders nga si eEelyn Layestre, iya bana kag hinablos ang kalayo. Pero padayon ang imbestigasyon sang BFP kon ano gid ang ginhalinan sang sunog.

Wala sang nasamaran sa natabu. Ara naman sa America ang tag-iya sang balay. (AGB)