Tigbauan, Iloilo — Ginreklamo ang mga brgy officials sang Brgy Napnapan Sur, Tigbauan ang ginpahayag kontrobersyal nga footbridge nga gintukod sang Department of Public Works and Highways ukon DPWH.   Suno kay Napnapan Sur Punong Barangay Lydia Taba, sila nalang sa barangay ang nagtakod sang hagdan nga  human sa kawayan nga naga-angut sa taytay halin sa duta.  Ginpabutyag man ni Taba nga wala sila ginpabalo sang DPWH ukon contractor sang project plan kag report status sang ginpahayag 2 million pesos project sang gina-ubra pa lang ini. Dugang ni Taba, wala na turn-over ang proyekto tubtob sa subong nga ti-on bisan natapos na ini sang 2015.

Ginpaathag naman ni Engr. Aaron Sepida sang DPWH-1st District Engineering Office nga indi sakop sang proyekto ang hagdan ukon rail nga ginreklamo kun basehan ang project plan sang proyekto. Nanindugan naman si Sepida nga nag-coordinate sila indi lang sa mga brgy officials kundi lakip sa LGU-Tigbauan may kaangtanan sa pagtukod kag pag turn-over sang proyekto. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply