Iloilo City–Nahawanan na ang matag-as nga hilamon sa pedestrian overpass nga may elevator sa Diversion Road, Mandurriao kasunod sang reklamo nga ginpadangat sang concerned citizen sa Aksyon Radyo Iloilo.

Nagtinlo man ang alagyan sang overpass apang may nabilin gihapon nga mga karton kag graffiti sa dingding kag puwertahan sang elevator.

Gindangup sa Aksyon Radyo ang mahigko nga overpass nga ginahimo na nga basurahan bangud sang mga nagalinapta nga karton, plastic kag botelya sang rugby kag beer. magluwas sini, may tiun nga mapangsot ang area kag may report nga ginahimuan pa sang kabastusan.

Ginadumala pa sang DPWH ang overpass pero ginpahayag ni DPWH 6 Assistant Regional Director Engr. Al Fruto nga ginaproseso na nila ang papeles sa pagturnover sang maintenance sa city government. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply