Tubungan, Iloilo–Narecover na ang bangkay sang 27-anyos nga lalaki nga nalumos samtang nagpaligo sa busay sa Barangay Igtuble, Tubungan kahapon.

Suno kay PSINSP Rolando Araño, hepe sang Tubungan Police Station., nasapwan pasado alas-7 kaina sang aga ang bangkay ni Denmark Tagamtam, residente sang amu man nga banwa kag naga-obra sa bakery sa syudad. Wala sang pilas ang lawas ni Tagamtam apang nagahabok na sang nasapwan nga naga-utaw utaw sa busay. Ginapatihan naipit sa bato sa madalum nga porsyon sang busay si Tagamtam.

Upod ni Tagamtam nga nagpaligo sa busay ang lima ka barkada kahapon sang natabu ang insidente.

Ini ang ikaduha ka beses nga may napatay matapos nalumos sa amu nga busay suno kay Araño. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply