“Draw and Fire” activity, ginsuguran sang mga pulis sa ICPO

Iloilo City–Ginsuguran kaina sang aga sang mga personnel sang iloilo city police office ang pag-conduct sang “Draw and Fire” activity bilang kabahin sang kinaandan nga exercise nga ginahimo sang kapulisan.

Suno kay ICPO Spokesperson PSINSP Shella Mae Sangrines, ginpanugyan ni ICPO Director PSSUPT Remus Zacharias Canieso sa kapulisan nga indi magkumpiyansa kag mangin alerto agud mapabilin nga malinong, matawhay kag hilway sa kalakasan sang mga rebelde ukon terorista ang bug-os nga syudad.

Ginmanduan man ni Canieso ang iban nga police stations sa syudad nga mag-conduct sang kapareho nga aktibidad kada adlaw. (AGB)