Leganes, Iloilo–Patay si Kenneth Poblacion sang Barangay Cagamutan Norte sang ginpahayag disgrasya nga naglupok ang pusil nga gina-agawan nila sang iya half-brother nga si PO2 Joel Aguirre, 38-anyos sang Roxas Street, San Miguel, kag assigned sa Mandurriao Police Station kaina sang hapon.

Suno kay PO2 Aguirre, ginpatawag siya sang iya iloy bangud nga iritable kag nagapanakit si Poblacion. Gin-ako ni Aguirre nga nagagamit sang illegal drugs ang iya utod kag tatlo ka adlaw na nga wala nakatulog. Ginpahayag nga ginasakit sang biktima ang iya manghod kag iloy. Nag-agaway sang pusil sanday Aguirre kag Poblacion tubtub nga naglupok kag naigo sa dughan ang biktima.

Narecover kay Aguirre ang 9mm service firearm kag isa ka magazine nga may 10 ka mga bala. Wala sang record ukon kasi si PO2 Aguirre sa pagkahibalo ni PCINSP Al Loren Bigay, hepe sang Mandurriao Police Station. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply