Passi City, Iloilo–Patay ang lima ka bulan nga lapsag nga babaye sa sunog sa Barangay Cadilang kahapon sang hapon.

Suno kay Senior Fire Officer 1 Jeffrey Hechanova, arson investigator sang BFP-Passi City, nagkadto lang ang tag-iya sang balay nga si Jenelyn Mendi, 24-anyos, sa iya ugangan nga malapit man lang sa ila. Nabilin sa balay nga nagakatulog sa aboy-aboy si Baby Heart kag wala na nahingagaw luwas.

Gina-imbestigaran sang BFP ang ginhalinan sang sunog. Pero posible suno kay hechanova nga short circuit ukon naghalin sa dapog ang kalayo. Ginpabutyag naman ni Jenelyn nga naluto na ang iya tinig-ang antes naglakat. (AGB/AT)

 

 

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply