Lalaki sa Sara, nalabuan ang iya live-in partner kag ginikanan sang babaye

Sara, Iloilo–Nalabuan sang 47-anyos nga lalaki ang iya live-in partner kag ginikanan sang babaye sa Barangay Apelo kahapon.

Suno kay Felix Calingcag sang amo man nga lugar, naglakat siya agud makalikaw sa gamo matapos nga nagsuay sila sang iya live-in partner nga si Liza Guilles, 29-anyos. Apang ginpahayag nga ginlagas siya sang amay ni Liza nga si Hermelando kag ginlampusan sang pusog gani iya nga ginlabu. Napilasan sa likod sang ulo si Hermelando. May pilas man si Liza sa likod kag ang iya iloy sa wala nga butkon matapos nagtambag.

Suno kay PCINSP Ronnie Brillo, hepe sang Sara Police Station, desidido ang pamilya nga magpasaka sang kaso batuk kay Calingcag. Luwas naman sa katalagman ang mga biktima kag nakaguwa na sa ospital. (AGB)