(UPDATED) 28-anyos nga lalaki sa Ajuy, gintiro patay

Ajuy, Iloilo–Nadakpan sa fololw-up operation sang Ajuy police ang ginatudlo nagtiro-patay sa 28-anyos nga lalaki sa Brgy. Tipacla kagab-i.

Suno kay PCINSP Charlie Sustento, hepe sang Ajuy Police Station, na-aresto ang suspect nga si Bimbo Seran, 43-anyos kag residente sang Sitio Langi, Brgy. Tipacla, Ajuy.  Base sa imbestigasyon sang Ajuy police, nagalakat ang biktima nga si Michael Delatina papuli sa ila balay sang ginbangga-an kag gintiro ni Seran.

Gindala pa sa ospital ang biktima apang napatay bangud sang pilas sa wala nga bahin sang iya tiyan, wala nga paa kag idalum nga parte sang iya wala nga siko.

Daan nga hiligutanun ang motibo sa krimen suno kay Sustento.

Narecover sa crime scene ang baseyo kag bala sang .45 caliber pistol. (JMaque/AGB)