Request sang ICPO nga dulaon sa drug watchlist ang 38 ka drug personalities nga indi na makita sa syudad, maga-agi sa proseso–ICPO Director

 Iloilo City–Maga-agi sa proseso ang request ni Iloilo City Police Office Director PSSUPT Remus Zacharias Canieso nga dulaon sa drug watchlist ang 38 ka drug personalities bangud indi na makita sa syudad.

Suno kay Canieso, antes himuan sang resolution sang Iloilo City Anti-Drug Abuse Council ukon ICADAC ang iya request, ipasa ini sa city oversight committee kag sa regional oversight committee para sa assessment kag validation. Kun ma-validate kag ma-assess na suno sa iya nga wala na gid man sa syudad ang 38 ka durugista, gilayon ini nga ipasa sa national headquarters particular sa Directorate for Intelligence agud nga ilakip sa suspense file.

Gin-athag ni Canieso nga wala nalakip sa 38 ka drug personalities si PDEA 6 identified drug group leader Richard Prevendido bangud makabig na ini nga national target kag padayon nga ginapangita sang mga otoridad. (AGB)