Curfew for Minors Ordinance, ginpatuman sa Pavia

Iloilo — Epektibu subong nga adlaw ang pagpatuman sang Curfew for Minors Ordinance sa Pavia. Naghimo sang caravan ang 18 ka barangay agud ipabalo sa publiko ang dungan nga pagpatuman sang ordinansa. Base sa ordinansa, magasugod ang curfew sa mga menor-de-edad, alas-10 sa gab-i tubtob alas-4 sa kaagahon. Ipatuman man sang banwa ang No Smoking sa pampubliko nga mga lugar kag pagbaligya sang makahulubog nga ilimnon kag sigarilyo sa mga minors. (JoMaque)